Dag drie se roete – van Thaba-Tseka na Thaba Bosiu via ‘n reeks interessante besienswaardighede – sou teen ‘n rustiger pas as die vorige twee dae wees. Ons het vinnig in Lesotho se universiteitsdorp, Roma, gestop om brandstof aan te vul en die teerpad na ons eerste pas van die dag – die Ngakanapas – gevat. Dit was nóg ‘n prentjiemooi dag en alles het goed gegaan totdat Iaan – danksy die tweerigting-radio’s in elke voertuig – vir Theo Hammond kon waarsku dat sy Ford Wildtrak besig was om teen ‘n onrusbarende tempo vloeistof te verloor.
Philip Rawlins