Ons reis, wat net as ‘n volslae sukses beskryf kan word, het by die Woodlands Stop Over and Lodge naby Francistown in Botswana afgeskop. Dis waar ons bymekaargekom het vir ‘n inligtingsessie oor die program vir die volgende paar dae en wat ons alles te wagte kon wees.
Die paaie en toestande op pad na die bekende Mana Poele in Zimbabwe is nie die beste nie en jy moet omtrent hare op jou tande hê – geduld en waaksaamheid is die sleutel. Jy kan nie vir ‘n sekonde konsentrasie verloor nie, want die smal pad is met slaggate besaai en dan moet jy nog op die uitkyk wees vir bokke en vragmotors óók! Laasgenoemde probeer van die verbrokkelende rand van die teerpad wegbly, wat beteken dat daar min of selfs geen plek is om hulle verby te steek nie – glad nie ideaal as jy ‘n