SO MET die eerste kyk is daar niks omtrent dié twee boeties wat jou na pen en papier sal laat gryp om vir hul handtekeninge te smeek nie.
Hulle ry met hul ma se kar rond of hang graag saam met hul pelle uit. Doodgewone ouens in jeans en T-hemde. Niemand sak op hulle toe in die plaaslike winkelsentrums of op straat nie.
Dis nou wanneer hulle tuis in Johannesburg is…
Want in Duitsland is Kelvin en Sheldon van der Linde superbekende ridders van die renbaan. In die strate van Kempten en München sukkel die broers om die selfiebrigade te ontwyk.
“Op die renbane is dit nog meer intens,” vertel Kelvin (27). “Kameras word in jou gesig gedruk, almal vra ’n selfie of handtekening. Soms kan ons skaars beweeg sonder om deur mense
