INSPIRASIE
Hulle vorm ‘n blou muur waar hulle gereed sit om te gesels oor hul besonderse prestasie. Dís nou die twee pa's en hul kinders wat skouer-aanskouer by die polisiekantoor in Somerset-Wes buite Kaapstad werk. Aan die een kant het jy ervaring en wysheid; aan die ander kant jeugdige passie en ywer.
Adjudant-offisiere Francois Visser (53) en Nolan Fisher (45) se kinders, konstabels Nicole Visser (31) en Aiden Januarie (23), is duidelik hul trots. Dié twee volg immers in hul pa's se voetspore.
Aiden en Nicole het onderskeidelik in Desember verlede jaar en Julie vanjaar by die tak aangesluit waar hul pa's al diep spore getrap het.
Francois, sy dogter, Nicole, en Aiden werk saam aan die Vispol-kant (sigbare polisiëring) en Nolan is weer by die speurtak betrokke.
“Die dag toe my seun in uniform hier instap, was ‘n trotse oomblik,” vertel Nolan. “Ek sê