’N VOORBEELD VIR ANDER
Om die rol van Brendan te vertolk in een van die land se gewildste sepies is ’n droom wat waar geword het, vertel Caleb (13) by die Suidooster-ateljees in Montague Gardens, Kaapstad.
Tuis, in Ocean View op die Kaapse Vlakte, was hy nog altyd ’n aanhanger van die program. “Dit was my gunstelingsepie om in die aand te kyk. Dit het so onwerklik gevoel toe ek die rol kry. Die een dag het ek nog saam met my vriende in die pad gespeel en nou is ek hier by Suidooster.”
Hierdie geleentheid is vir hom des te meer spesiaal vanweë die sosiale uitdagings van die omgewing waaruit hy