VERLOOF EN VERDIEP IN MY FLEUR
AS KIND was sy so skaam dat sy nie eens self kos in ’n restaurant kon bestel nie. Maar vandag is die sprankelende aktrise glad nie skaam om te verklap dat sy haar kêrel moes aanpor om daardie verloofring aan haar vinger te steek nie. Of om te vertel hoe hard sy gewerk het om ’n droomrol los te slaan nie.
“Ek weet ek’s nog jonk, maar ek skimp nou al twee jaar hy moet my vra om te trou, want ek het van die begin af geweet niemand pas beter by my nie,” gesels Melissa Willering (24) oor haar verloofde, die videoredigeerder Regardt Botha.
Die aktrise wat TV-kykers as se Chrissie leer ken het, is net so in haar skik met haar as met haar verlowing.
