Sy is bekend as die skaam skooljuffrou wat die kykers – en Langes – se hart gesteel het in Arendsvlei. As jy hier lees en nog ’n paar episodes moet inhaal van die telenovela, hou verby, want hier kom yslike spoilernuus …
Inwoners van die “Vlei” se hart is gebreek toe die geliefde karakter Ayesha haar laaste asem op die skerm uitgeblaas het ná haar skokdood aan die hande van haar geliefde man, Whalied, oftewel “Langes”, soos ons Bobby Stuurman se karakter leer ken het.
Die borrelende aktrise Megan Hilda Saayman (28), wat die rol van Ayesha vir langer as twee jaar vertolk het, is opgewonde om nou nuwe waters in haar akteursloopbaan te toets.
Dié aktrise van Rocklands in Mitchells Plain is die tweede oudste van vier dogters en het