BESIGER as ooit
Dis hoogsomer en die kraaie gaap in die Kaap, maar Elsabé se wit-en-blou uitrusting met haar vrolike blou somershoed, maak haar prentjiemooi onder die bome by Blaauwklippen-landgoed, waar ons ontmoet. Sy is ’n paar jaar gelede geskei en haar byderwetse huis is net ’n klipgooi ver.
Sy is baie opgewonde oor die verfilming van die tweede seisoen van Alles Malan. Haar karakter, Brenda, staan saam met haar man, Derik (Albert Maritz), aan die hoof van die familie. Brenda en Derik se eersgeborene, Frik, keer ná agt jaar in Engeland terug om die familieonderneming, Malan Vervoer, by sy pa oor te neem. Sy vrou, Tessa, en twee tienerkinders keer saam met hom terug, maar het elkeen ’n stryd van hul eie.
Elsabé sê sy en Brenda is baie dieselfde en haar goeie vriende en selfs vreemdelinge sê gereeld vir haar: “Jy is dan Brenda!”
“Die rol en reeks is vir my ’n ongelooflike ervaring. Alles was besonders: die skrywers Corné en Rene van Rooyen, die
