Karen Eybers, ’n graad 1-onderwyseres by die Bronville Primêre Skool op Rietbron, tussen Beaufort-Wes en Willowmore in die Oos- Kaap, het besef ’n ingryping is nodig in Rietbron se gemeenskap.
Die gedagte dat kinders so jonk as 10 en 14 jaar oud dagga rook, het haar uit die slaap gehou en sy het begin bid vir leiding. En die Here het geantwoord: “Kry die kinders betrokke by jeugskoue.”
Die kinders kom uit arm gesinne met talle maatskaplik-ekonomiese probleme. Dwelm- en alkoholmisbruik is hoog in die gemeenskap en dit het ’n regstreekse impak op die kinders. Dissipline skiet tekort by die huis, en dit spoel oor na die skool met geen skoolgeld