JY SIEN baie vinnig dit is nie ’n normale, sedige begrafnisonderneming dié nie. Ja, daar is die gewone blommerangskikkings op hoë staanders en natuurlik ’n vertoonvloer vol kiste.
Maar van die kiste is besonder bont en uitspattig. Party het tier-en volstruisvel om dit gedraai. Dan is daar ook een wat versier is met ’n afbeelding van die Groot Vyf, en ’n ander met een van Da Vinci se skilderye, Die Laaste Avondmaal. Een kis het blou liggies binne-in wat, ’n bietjie soos dié van ’n yskas, aangaan as die kis oopgemaak word. In ’n ander is vier ingeboude elektroniese kerse wat ook begin blink as die deksel oopswaai.
Een asemrowende kis is selfs binne
