JARE lank herken mense daardie deuntjie al – dit beteken jy moet skarrel om voor die TV te kom, want 7de Laan gaan begin – die intriges van Hillside se inwoners gaan vir die volgende halfuur jou lewe word.
Maar vir Henry Mylne beteken dié deuntjie sekerlik veel meer. Dit was die klankbaan van sy lewe vir ’n groot deel van die afgelope 23 jaar.
Henry is een van die Laan se bekendste regisseurs – en die een wat die langste daar gewerk het.
Altesaam 70% van die sowat 5 600 episodes wat die afgelope meer as twee dekades uitgesaai is, was die vrug van Henry se lang ure agter die kamera. Al was dit telkens net 30 minute se kykstof, het elkeen van daardie episodes dae verteenwoordig waarop hy
