TOAST COETZER
Fujifilm X-E4 met XF 18-55 mm-lens
Tydens die Naukluft-roete (sien bl. 52) het ek deels met my Samsung A32-slimfoon en Fujifilm se X-E4-kamera foto’s geneem. Die X-E4 is natuurlik spieëlloos en daarom lekker kompak – die 18-55 mm-lens is eweneens kort en lig, en daarom is dié ’n goeie kombinasie vir ’n langer staptog waar jy nie jou“groot kanon”wil saamsleep nie.
Dié model is egter nie meer op die rak nie. Die nuwe Fujifilm X-T5 (897 g) is in grootte omtrent dieselfde, maar het heelwat opgraderings.
R32 000
Jim Green se African Rangerstewels
Een van my getroue Hi-Tec-stapstewels se sole het tydens die stap losgetrek– deels my skuld, want ek het dit lanklaas gedra… Hoewel ek dit intussen mooi laat regmaak het (by Babu’s Footwear in Kaapstad
021 465 1947), het ek besluit om ’n nuwe paar stewels te koop.
Ek begeer al lankal ’n paar Jim Greens – mooi stewels wat in KwaZulu-Natal gemaak word. Die maatskappy het vroeër vanjaar ’n oplaag van sy gewilde African Ranger in buffelleer gemaak en ek het blitsig my naam op die lys gesit! Vir elke 10 pare Rangers wat verkoop word, word ’n paar aan ’n veldgids of bewaarder geskenk – jy voel dus sommer goed wanneer jy jou kredietkaart tap!
Vanaf R2 000 by
K-Way Compact-stapstokke
Een van my twee stapstokke het reeds in 2016 in Rwanda agtergebly, maar gelukkig het ek net een nodig. Ek is basies nooit ordentlik fiks vir enige lang staproete wat ek aanpak nie en
