TOERUSTING
ESMA MARNEWICK
Ruitplakkers
’n Mens kan nie help om afgunstig te voel as jy ’n bakkie of stasiewa met ’n agterruit vol plakkers van eksotiese bestemmings sien nie. Dié plakkers is nie meer ’n gegewe soos in die ou dae nie, of die wat beskikbaar is in winkeltjies, kom nog uit die jare toet.
Die ontwerper BenGrib het gelukkig ingegryp. Hy het ’n rits mooi en moderne plakkers ontwerp van Suid-Afrika se nasionale parke, Wes-Kaapse natuurreservate en gunsteling-strande. Die plakkers – te koop in stelle van 20 tot 25 plakkers – is ’n gawe geskenk vir die gereelde reisiger in jou lewe.
R300 vir ’n stel shop.bengrib.co.za
Skin Creamery-sonroom
Teen hierdie tyd weet jy dat jy elke dag sonskerm moet dra en nie net wanneer julle see toe gaan nie. Maar wie wil nou sonroom hê vir Kersfees? Die veganis in jou lewe gaan dol wees oor dié getinte sonroom met ’n SBF 25.
Dit voel soos ’n gewone gesigroom, ruik soos die veld en gee jou wange ’n gesonde gloed. Vitamien E en skwaleen, ’n bevogtiger wat natuurlik voorkom in onder meer olywe en suikerriet, hou jou vel gevoed. Dit word in ’n glasbotteltjie verkoop.
R400 skincreamery.com
Vlekvryestaalwynglas
Jy kan seker op ’n stap- of kampnaweek wyn uit jou koffiebeker drink, maar dit voel en lyk net nie feestelik nie. Drink liewer koffie uit dié mooi en byderwetse Lizzard-wynglas.
Die duursame beker hou drinkgoed koud én warm. Die stewige dekseltjie met ’n klein opening sorg dat jou peuters nie die piekniekkombers sopnat bemors nie.
R280 lizzardonline.com
