Jou ma het jou verbied om dit te doen, maar as jy ooit ’n plastieksak oor jou kop getrek het om te voel hoe die lug minder en warmer raak, het jy ’n basiese idee van wat met ons planeet aan’t gebeur is. Kweekhuisgasse vorm ’n buffer in die atmosfeer wat weerkaatste sonlig vasvang en sodoende die aarde verhit. Die rampspoedige gevolge hiervan is reeds wêreldwyd sigbaar en volgens 96% van klimaatwetenskaplikes gaan dit in hierdie eeu nog katastrofies raak. As individu is dit oorweldigend, want wat kan ’n mens doen om hierdie apokaliptiese versteurings te vermy?
Soos enigiemand wat al meer omgewingsvriendelik probeer leef het, sal weet – sou hulle heeltemal eerlik met hulself wees – gaan menige groen opsie met ’n nuwe stel negatiewe gepaard. Is amandelmelk regtig beter vir die planeet as koeimelk? Dit hang af van die area van impak waarna jy kyk. Amandelmelk stel minder kweekhuisgasse vry en gebruik minder grond as byvoorbeeld soja, maar verbruik meer water as koeie en soja. Alle alternatiewe “melk”
