KGALAGADI-OORGRENSPARK
Die Kalahari is ’n magiese plek: rooiduine, kameeldoringbome, die brul van ’n swartmaanhaar in die donker... Hierdie droë park strek oor die grens tussen Suid-Afrika en Botswana en voel wild en ongerep.
DOEN DÍT Jy kan die park in jou eie voertuig verken, maar bespreek ten minste een begeleide wildrit op jou besoek. Die hoofkampe bied soms wildritte in die oggend of laatmiddag aan – dit neem sowat 2½ ure. Doen navraag by die ontvangskantoor. R373,70 p.p.; minimum 2 mense per rit.
Bewaringstarief R110 p.p.; R55 per kind 2-11 jaar; gratis met ’n Wild Card.
VERBLYF Die drie hoofkampe – Twee Rivieren, Mata-Mata en Nossob – het swembaddens, vulstasies en winkels. Kamp is R430 p.n. met krag; R360 p.n. sonder krag vir 2 mense, plus R104 p.p. ekstra en R52 per ekstra kind 2-11 jaar. Selfsorgchalets en kothuise met slaapplek vir 2-6 mense: Vanaf R1 350 p.n. vir 2 mense, plus R300 p.p. ekstra en R150 per ekstra kind 2-11 jaar.
Die ses wilderniskampe is nie omhein nie en jy moet jou eie drinkwater, brandhout en kos saambring. Huisies is R2 220 p.n. vir 2 mense. Kalahari Tented Camp vanaf R2 180 p.n. vir 2 mense, plus R300 p.p. ekstra en R150 per ekstra kind 2-11 jaar. (Geen kinders jonger as 12 mag by Kieliekrankie, Urikaruus, Bitterpan, Gharagab of Grootkolk oorbly nie.)
Waar? Sowat 265 km noord van Upington.
Kontak 054 561 2000 (Twee Rivieren)
|AI-|AIS/RICHTERSVELD-OORGRENSPARK
Sien kokerbome en halfmense (soek mooi, hulle is skaars) in hierdie bergwoestyn wat oor die Oranjerivier na Namibië strek. Dis ’n