![f0018-01](https://article-imgs.scribdassets.com/7jd3f8p2gwb5vg47/images/fileFTW57V1C.jpg)
DIE R71 van Tzaneen na Phalaborwa in Limpopo is ’n bedrywige pad. Raserige vragmotors vervoer sitrusprodukte of beeste, en toeriste is op pad na vakansieoorde en natuurreservate in die noorde.
Sowat 40 km van Tzaneen af wys ’n padnaambord jy moet regs afdraai as jy Leydsdorp toe wil gaan.
Maar omtrent niemand doen dit nie, want buiten die plaaslike boere weet weinig mense van dié plek.
Vandag draai ons regs. In 10 minute is ons daar. Op ’n spookdorp.
Wat veronderstel is om die hoofstraat te wees is dan niks meer as net ’n plaaspad nie. Hier en daar is ’n vervalle gebou of murasie tussen die bome sigbaar.
Verder niks.
Tot jy ’n gerestoureerde wit gebou met ’n groen sinkdak langs die pad opmerk.
“Hotel.”
Op die stoep wag ’n vrou wat haarself as Jade Coppen, “kroegdame” van die