Party mense mag dalk hul wenkbroue so effens lig en selfs die koppie vol ‘ek is so verdomp heilig‘ uit hul hande laat val wanneer ek sê dat die alledaagse (oftewel mainstream, soos die Ingelsman sal sê) toeriste-dinge my nie juis geval nie. Ek het eerlikwaar geen behoefte om Parys se ou torinkie, Italië se Instagram-waardige kusdorpies, Mauritius se oorde of – nader aan die huis – die besige strande van Hartenbos en Stilbaai te gaan verken nie…
Nee wat, ek hou eerder my oor teen die grond vir plekkies wat afgeleë en nie maklik bereikbaar is vir die normale toeris nie. Die oomblik wat ons die skool se jaarbeplanning kry, begin ek die potensieël beskikbare naweke, langnaweke en natuurlik skoolvakansies bestudeer… en dan is dit