Hoewel die Nampo-oesdag vir die meeste mense met Bothaville in die Vrystaat vereenselwig word, is dit nie waar die skou ontstaan het nie.
Die eerste oesdag is op 7 en 8 Junie 1967 op die plaas Donkerhoek buite Bloemfontein gehou. Sowat 200 mense het dit bygewoon, en daarna het die besoekerstal jaarliks bly groei. In sy tweede bestaansjaar het die oesdag meer as 600 besoekers gelok.
“Wanneer jy aan mense terugdink wat by die ontstaan van die oesdag betrokke was, is dit altyd moeilik om iemand spesifiek uit te sonder. Dit is egter onmoontlik om nie die drie musketiers van Bloemfontein, Moos Haddad, Hannes van Wyk en George Stegmann en hul gades, te vermeld nie. Hulle het in 1966 met dié groot idee begin,” het Dennis von Abo, oesdagdirekteur in 1983, gesê. Al drie
