As ‘n direkte afstammeling van die Dorslandtrekkers van die 1800’s, het ek besluit om die roete wat my voorvaders noordwaarts vanaf Suid-Afrika na Angola deur Namibië geneem het, te herontdek. Dit het in ‘n gesinsavontuur, waarop ons van een skouspelagtige bestemming na ‘n ander gereis het, ontaard. Ons het geleer, verken en ervaar… Net so ‘n stukkie oor ‘n maand en 24 bestemmings later, het ons het ons nuwe respek vir die uitdagings wat die onverskrokke Dorslandertrekkers moes deurmaak gehad.
Bestemming 13: Halali-kamp, Etosha Nasionale Park, Namibië
Nadat die geluide van leeus, hiënas, jakkalse en sebras ons die vorige aand in die Namutoni-kamp aan die slaap gesus het, het ons ‘n rustige oggend geniet voordat ons na Halalikamp vertrek het. Dis sowat 75km vanaf Namutoni en naby die Rietfontein-watergat, tussen twee koppies geleë is. Die oorvloed van wild in Etosha stel nooit teleur nie en die rit het wonderlike besigtigings opgelewer.
Namutoni het ‘n beduidende rol in die Dorslandtrek gespeel. Nadat nuwe regulasies opgestel en ‘n nuwe leier by Leeupan in Khaudum aangewys is, het die groep verder teen die Okovangorivier opgetrek. Hulle het egter baie probleme met plaaslike stamme en malaria ondervind en besluit om ‘n ruk by Namutoni te vertoef. Daarvandaan is hulle weswaarts na Okaukuejo, maar omdat die water daar vuil en onbruikbaar was, het hulle oos na Rietfontein gegaan. Híér het hulle tot die winter van 1878 gebly.
Die skilderagtige Rietfontein is vandag een van die hoofwatergate in die Etosha Nasionale Park en jy kan verwag om heelwat wild daar te sien. Daar is ook ‘n paar Dorslandtrekkergrafte en ‘n gedenkteken, tesame met die ruïnes van hartbeeshuisies wat hulle daar gebou het.
Bestemming 14: Okaukuejo-kamp, Etosha Nasionale Park, Namibië
Ons beplanning was om twee dae by
