As jy gedink het hartsiektes is iets wat grotendeels onder mans voorkom, maak jy die grootste fout van jou lewe. Daagliks sterf om en by 110 vroue in Suid-Afrika aan die een of ander hartsiekte. Hoewel hartsiektes oor die jare bekend geword het as 'n “mansiekte”, vertel die syfers 'n ander storie. Trouens, dit wys méér vroue as mans sterf aan hartsiektes. Boonop is 'n vrou se kans skraal om haar eerste hartaanval te oorleef.
Ursula Bezuidenhout (57) van Sasolburg in die Vrystaat, het onlangs afskeid geneem van 'n vriendin wat skielik aan 'n hartaanval oorlede is. Sy vertel Nandi, 'n hoërskoolonderwyser, het geweldige stres ervaar, moes omsien na haar ma en suster wat geestesongesteld was, en sy het finansieel gesukkel.
“Nandi (59) het my die
