Ons Weskus avontuur het in die klein kusdorpie van Elandsbaai begin. Met dié dat Noup ongeveer 520km vanaf ons tuiste in Wellington is, was die afstand net te lank vir die twee honde – Pepsi en Mila – wat ons op hierdie avontuur vergesel het. Die bakkie het skaars by Elandsbaai gestop of die honde is by die deure uit. Ons het vinnig kamp opgeslaan en koers gekies strand toe om saam met ons viervoetige vriende te gaan baljaar. Terug by die kamp het ‘n groot Rummikub toernooi begin terwyl die vuur lekker knetter.
Die volgende oggend vroeg het ons opgepak en ná ontbyt by die hotel het ons weer in die pad geval. Volgende stop: Noup!
By Garies is die bakkie volgemaak (die petrolstasie by Koingnaas sou nie oop wees op ‘n Sondag nie) en die seuns en honde het ‘n laaste draai geloop. ‘n Paar kilometer verder het ons op die grondpad by die Hondeklipbaai/Koingnaas bordjie links gedraai. Die country musiek het oor die radio geblêr terwyl die wind alles in die bakkie deur die oop vensters verwaai het… dinge het reg geloop en die Hilux het die kilometers soos soetkoek
