Len van Onselen het in die beesboer-Kalahari grootgeword. Sommige boere in die omgewing het Jeeps gehad en Len was versot op hulle. Een aand by ‘n plaaslike kuierplek het die manne die meriete van Jeeps en Land Rovers bespreek. Len het verklaar dat hy niks van ‘n Land Rover hou nie, maar ‘n Jeep… wel, hy wou een hê. Een van die vriende het opgemerk dat sy pa ‘n Jeep op sy plaas naby Lydenburg gehad het. Hy wou dit verkoop omdat dit snaakse geluide gemaak het – hy het gedink dis die as.
Nog ‘n vriend, Broz, het ‘n 1948 Jeep – ‘n CJ2A – en ‘n groot voorraad Jeep-skroot, insluitend ‘n werkende agteras gehad. So, een Saterdagoggend is Len en Broz Lydenburg toe om die Jeep te gaan haal. Nie Broz of Len het hul eie motors gehad nie en het geen ander keuse gehad as om die sowat 320km na Lydenburgh duim te gooi nie. Dit terwyl hulle die as saam gekarwei het.
Len het langs die