WANNEER ’n mens in die restaurant instap, merk jy dit dadelik op: kerse, blomme en krale gerangskik om foto’s van ’n glimlaggende brunet.
Dis hoe Diego Milesi, die eienaar van Ferdinando’s Pizza in Kaapstad, sy lewensmaat wil onthou – vol skoonheid en vreugde.
Hoe hy haar beslis nie wil onthou nie, is hoe hy haar die laaste keer gesien het: dood op ’n strand nadat ’n haai haar gebyt het.
Huiwerig, asof die pyn nog te vlak lê, begin Diego vertel van die dag toe die liefde van sy lewe deur ’n grootwithaai doodgemaak is.
Hy, Kimon Bisogno en hul tweejarige dogtertjie, Luna, het net die vorige aand op Plettenbergbaai aangekom vir ’n luilekker vakansie. Kimon was die oggend van 25 September vroeg uit die vere. Sy wou die water al voor agtuur aandurf terwyl die strand nog stil was.
“Sy het haar rooi swembroek gedra,” onthou Diego met ’n weemoedige glimlag. “Ek het haar so