Ek en my susters was nog klein toe my pa ons aan staproetes teen sneeubedekte berghange en natuurreservate vol gevaarlike diere bekend gestel het. Ver van die bekendheid en gemak van die beskawing. Waar die meeste ouers egter met die ouderdom ’n bietjie makker word, het pa Mike se avontuurlustigheid toegeneem. Hy’s al ánderkant 80 en haal gereeld aan uit Toby Keith se liedjie “Don’t let the old man in”. En ek moet erken: My pa hou daai man vér weg.
As 26-jarige sukkel ek om by Mike by te hou, maar ek probeer hard. Dié dat ek nou (onder die wakende oë van ’n opgestopte kameelperd) saam met hom op ’n jagplaas ’n paar kilometer stroomaf van die Vanderkloofdam vir aandete aansit.
Ons vier dae lange roeitog op die Oranjerivier begin môreoggend. Dit was natuurlik Mike se idee.
Ons roeimaats is meestal sy portuur. Sy
