Elliot en Francis, ons twee seuns, herdoop die plek summier: Die weird plaas. Dis Juliemaand in die heuwelagtige kontrei suid van Willowmore in die Oos-Kaap. ’n Stewige ysreën val wat die middag soos skemer laat lyk. Ons het sowat ’n halfuur gelede van die grootpad afgedraai en ploeter voort op ’n slegte grondpaadjie.
Die kar se bande gly op klippe en kort-kort moet ’n lendelam hek eers oop- en toegemaak word. Al wat ons tot dusver gesien het, is verroeste plaasimplemente en brandmaer bokke. Waar is die “oulike plaasverblyf” wat ek op AirBnB bespreek het?
Jess, my vrou, het die res van die verblyf uitgesnuffel. Sy het ’n sonderlinge talent om wonderlike én bekostigbare blyplekke te vind. Op dié reis is ons al – te danke aan ’n belaglikplaas. En drie pare oë vol verwyt gluur my aan.
