VERGEWE & VERSOEN
Ná ’n lang siekbed en operasie lê Lesley in die hospitaal. ’n Groot bondel senuwees.
Sy staar afgetrokke by die venster uit. Haar ma het ewe skielik haar verskyning in haar lewe gemaak. En dis danksy haar, die ma wat sy nog nooit geken het nie, dat haar lewe gered is. Sy weet nie hoe om dit te hanteer of hoe om daaroor voel nie.
Vir jare het sy gedroom om haar te ontmoet. Haar aangenome ouers, Isabel en Greg, was eerlik met haar van die begin af dat sy nie hul biologiese dogter is nie. So, het sy altyd gewonder oor haar ma. Maar nou knaag die vrae weer. Wat as sy haar weer verwerp? Wat as … Wat as…
“Goeiemôre. Hoe gaan dit vanmôre?”vra die verpleegster vrolik.
“Net die nerves wat ’n bietjie pla … Dankie baie,”sê Lesley
