DIE HART VAN ’N KIND
Bella staan in die deur – die klanke van haar klop hang nog in die lug. Haar oë steeds op die man wat in sy bed sit. Hy bars uit van die lag, haal sy hande van die keyboard af, en kyk vir die eerste keer na Bella. Hy is amper spyt toe hy haar sien. Sy is seker baie siek dat sy omgaan en vir mense bid.
“Ek makeer nie gebed nie, dit word in elk geval nooit beantwoord nie …”Hy klink rou, asof hy al seergemaak is in die lewe. Hy kyk weer na die keyboard, tik woes en maak asof sy nie daar is nie.
“Hy antwoord nie altyd op ons tyd nie,” begin sy.
“Hy doen dit meestal op Sy eie tyd. Somtyds is Hy stil. Maar as Hy nie antwoord nie, is dit omdat Hy altyd iets beter vir ons
