DIE HART VAN ’N KIND
I sabella sit in haar rolstoel, leesboek op die skoot. Haar aandag is onmiddellik gebreek toe die dubbeldeure van ontvangs oopbars. Dit is ’n nuwe pasiënt wat dringend na noodgevalle gestoot word. Daar is drie paramedics om hom, een hardloop met ’n dripsak in die hand. Die ander een praat met die dokters wat hulle halfpad ontmoet in die gang.
“Een-en-veertig-jarige man. Prokureur. Ons vermoed hy het ’n hartaanval gehad tydens ’n hofsaak. Bystanders het gesê hy’t net gekla van borspyn.”
“BP 185 oor 100 …”sê een van die ander paramedics.
Dokters knik hul koppe en hardloop saam die gange af. Isabella probeer vinnig agter hulle aan rol. Sy kan haarself nie help nie, dit is vir haar asof sy ’n drama
