Dit voel dadelik asof jy op vakansie is sodra iemand jou blyplek met ’nhigh lighter begin aandui. Nou die dag gebeur dit weer by die Ithala-wildreservaat naby Vryheid in KwaZulu-Natal. Die ontvangsdame skuif my chalet se sleutel, vasgemaak aan ’n swaar houtblokkie (sodat jy nie per ongeluk daarmee huis toe ry in jou broeksak nie), oor die toonbank na my.
Dan haal sy ’n A4-kaart – een van daais wat al ’n duisend keer gefotostateer is – uit en plaas dit voor my neer. Sy vat ’n pienk highlighter en begin verduidelik.
“We are here,” sê sy en omsirkel die ontvangskantoor in pienk. “You follow this road, turn right at the big rock over here…” Sy merk die groot klip.
