UITGEVANG: BITCOIN SE ‘BONNIE & CLYDE’
HULLE word beskryf as die “Bonnie en Clyde” van die digitale era – flambojante swendelaars wat na bewering ’n verstommende bedrag kriptogeld probeer verduister het.
Maar anders as die ware Bonnie en Clyde – die Amerikaanse paartjie Bonnie Parker en Clyde Barrow wat in die 1930’s ’n rits banke beroof het voor hulle in ’n polisielokval afgemaai is – was geen dramatiese jaagtog nodig om die hedendaagse “Bitcoin-Bonnie” en “Crypto-Clyde” aan te keer nie.
Tydens ’n onlangse klopjag op Heather Morgan (31) en haar man, Ilya Lichtenstein (34), se woonstel in New York het die polisie genoeg bewyse gevind om hulle te verbind aan die gepoogde verduistering van
