DIE WÊRELD SE MAGTIGSTE ‘GIRLFRIEND’?
AS JY Jeff Bezos se selfies aan boord van ’n plesierboot in Sint Bartholomeus sien, sal jy twee keer kyk.
Met sy sonbril aan en ’n stywe bont hemp wat lyk of dit aan sy 58-jarige lyf getatoeëer is, het die Amazon-baas meer soos ’n rapper gelyk as ’n sakeman wat in skakerings van beige bekendheid verwerf het.
Agter sy nuwe voorkoms sit die beeldskone brunet wat om hom gedrapeer was op die 27 m lange boot Tender To – ’n vaartuig wat teen $42 000 (R630 000) per week te huur is.
Lauren Sanchez het 2022 binnegedans in ’n ruglose metaalkleurige katpak wat min aan die verbeelding oorgelaat het. En waarom nie? As Forbes ooit ’n lys van die magtigste “girlfriends” ter wêreld sou saamstel, sal dié 52-jarige mediapersoonlikheid heel bo wees.
Onderaan Jeff se Nuwejaarselfie – met die onderskrif dat hy “persoonlike groei, hernuwing, hergeboorte” vier – het Lauren, wat al minstens drie jaar aan sy sy is, geskryf: “Ek het jou lief, skat. Om elke rede en sommer net.”
Toe Jeff en Lauren in Julie 2019 by Wimbledon hul
