KAREN SE NUWE BESTIE
JARE lank was hul hegte verhouding een van die groot suksesverhale van die plaaslike vermaakbedryf. Saam-saam het hulle vir treffers op die televisie, verhoog en musiekgolwe gesorg.
As vennote in die ateljee Mothership Studios op die Swartlandse dorpie Philadelphia was die rocker Karen Zoid en die vervaardiger en regisseur Carien Loubser onder meer saam verantwoordelik vir kykNET se trefferreeks Republiek van Zoid Afrika. Kykers is seisoen ná seisoen vasgenael gehou, en die nuwe duette wat in die program opgeklink het, het hulle hoendervel gegee.
Ook weg van die stel van die gesels-enmusiekprogram was Karen en Carien pal aan mekaar se sy. Maar nou het die klanke van die twee se jare lange duet glo vervaag. En net maande daarna gons dit oor ’n soort derde
