IN BIETJIES GEBORE
WAAR die piepklein lyfie vandag salig in haar pa se arms slaap, lyk sy allermins soos die klein vegtertjie wat sy is.
Maar Ivoreè Jayne Jackson moes al vele uitdagings in haar kort lewe te bowe kom – trouens, selfs nog voor sy haar eerste asemteug kon neem.
Toe haar ma, Kiara (21), net 21 weke met haar swanger was, het ’n skandering gewys Ivoreè het ’n seldsame gewas aan haar mond en keel. Dokters het bevind dit sou waarskynlik aanhou groei en benewens allerlei ander risiko’s dit vir haar onmoontlik maak om ná haar geboorte op haar eie asem te haal.
Maar Kiara het nie ’n oomblik gehuiwer nie: Sy sal met die swangerskap voortgaan. “Ek het net geweet ek moes haar ’n
