MY TV-NEE NÁ FOON SKOK
HY ONTHOU daardie dag iewers teen die einde van April verlede jaar nog goed. Hy was op die mielielande aan die stroop toe sy selfoon lui. Hy het eers nie geantwoord nie, vertel boer Tyson – hy beantwoord nooit oproepe van onbekende nommers nie.
Maar toe dié nommer die hoeveelste keer bel, het hy bes gegee en opgetel.
Sy is Elmarie Botha, ’n vervaardiger van die kykNET-reeks Boer soek ’n vrou, het die stem haarself voorgestel om sy inskrywing vir die 14de seisoen van dié gewilde reeks te bevestig.
“Nee, nee, dit is die verkeerde nommer,” het Tyson (33), wat in die Bergville-distrik in KwaZulu-Natal boer,
