Misdaadskrywer kry lekker as boewe aan pen ry

Wat was die sneller vir Gerugte van ’n ontvoering?

My joernalistieke instinkte tree gewoonlik in wanneer ek begin dink aan moontlike temas vir ’n nuwe boek. Ontvoerings het omtrent ’n misdaadmodegier in Suid-Afrika geword en ek het besluit op so ’n ontvoering (of vermeende ontvoering), maar met ’n paar kinkels, sodat dit die kapstok kan word waaraan ek ander temas kan hang.

Vertel meer van Ella Neser. Dit is nou al die negende boek waarin sy voorkom. Hoe het hierdie karakter ontstaan en het jy van die begin af geweet sy gaan ’n lang pad met jou stap? Wat maak haar so ’n suksesvolle karakter?

Ella het haar eerste verskyning in gemaak as ’n jong, naïewe moordspeurder wat aan die diep kant ingegooi word met haar eerste ondersoek. Ek het ’n speurderkarakter gesoek wat ek herhaaldelik in my krimi’s kan gebruik, maar wou