BRIEWE
Dit reën katte!
Ek en my man, Christo, was verlede jaar in September in die Krugerwildtuin. Die park was opvallend droog en kaal. Op die tweede dag het dit saggies begin reën. Ons was bly vir die natuur, maar was bang die weer sou ons wildkykplanne in die wiele ry.
Tog blyk dit dat koel reënweer presies is waarvan luiperds hou: Ons het 11 luiperds in net 6 dae gesien!
’n Skraal sonnetjie het een middag deur die misreën gebreek en ons het op hierdie pragtige kat op die S134-pad langs die Shingwedzirivier afgekom. Hy was ons derde luiperd vir die dag en ons het hom sowat ’n uur lank dopgehou.
’n Kuslyn van klip
Die roete na die ruïne van die East Fort bo Houtbaai is ’n maklike staptog met mooi uitsigte van Chapmanspiekrylaan, seisoenale watervalle en strome, welige fynbos en ’n inheemse woud in
