OPGESLUIT IN MY EIE KAS
SY HET presies geweet wat van haar verwag word toe sy Billie Jean King se minnares word: Bly op die agtergrond en moenie te veel aandag trek nie.
Dit was in die vroeë 1970’s en Marilyn Barnett het maar alte goed besef die wêreld is nie reg daarvoor dat een van sy grootste vrouesportsterre erken sy verkies vroue bo mans nie.
Dus het Billie Jean vir haar meisie gesê sy moes alles doen wat sy kon om hul verhouding ’n geheim te hou. Deur Marilyn as haar “sekretaresse en toerbestuurder” aan te stel kon hulle saam deur die wêreld reis en hotelkamers deel terwyl hulle toernooie bywoon sonder om te veel agterdog te wek.
Maar kort voor lank het Marilyn ongelukkig begin voel oor haar rol en seker gemaak sy is sigbaar elke keer wanneer die televisiekameras by toernooie en mediakonferensies op Billie Jean was.
Toe sy ’n belangrike onderhoud onderbreek om vir die tenniskampioen ’n avokado te probeer voer, was daar min twyfel dat iets aan die gang is.
Daardie geheime verhouding was so anders as hoe die Amerikaanse legende, wat tussen 1961 en 1979 altesaam 20 Wimbledon-enkel- en -dubbelspeltitels gewen het, haar haar lewe voorgestel het.
Sy het haarself belowe sy sou die konvensionele “goeie vrou” wees toe sy in 1965 met haar tienerliefde, Larry King, trou en haar maagdelikheid eers op hul huweliksnag verloor.
Daardie belofte het net drie jaar gehou. Nadat sy besef het sy kon haar seksualiteit nie teenoor haarself ontken nie, het sy ’n dubbele lewe begin lei. Sover dit die publiek
You’re reading a preview, subscribe to read more.
Start your free 30 days