CHRISTINA APPLEGATE: NÓG’N SIEKTESKOK
WANNEER die aktrise Christina Applegate dít wat sy reeds oorleef het en steeds beleef as’n “moeilike pad” beskryf, oordryf sy beslis nie.
Die ster van die televisiereeks Dead to Me het die afgelope 13 jaar borskanker geklop en’n dubbele mastektomie ondergaan. Sy het ook haar eierstokke en fallopiusbuis laat verwyder as voorsorgmaatreël omdat sy’n geen het wat’n verhoogde risiko vir kanker veroorsaak; sy het menopouse ondergaan as gevolg van die operasies; en’n lang stryd teen slapeloosheid gevoer.
Nou het sy boonop gehoor sy het meervoudige sklerose (MS).
“Haai, vriende. Ek het’n paar maande gelede uitgevind ek het MS,” het die Emmy-bekroonde aktrise (49) onlangs getwiet. “Dit is’n vreemde reis, maar ek het baie ondersteuning ontvang
