SIRENE STRY TEEN SIEKTE

VOOR

Ná ’n ernstige verkoue in 2019 kon Sirene Paulse (42), ’n Telkom-winkelbestuurder van Somerset-Wes in die Kaap, net nie die eienaardige gevoel van pins and needles in haar regterbeen afskud nie. Maar nooit sou sy kon droom dat sy net twee jaar later as kwadrupleeg in ’n rolstoel sou opeindig en niks meer vir haarself sou kon doen nie.

Vir amper twee jaar het Sirene, ’n ma van twee, met die pins and needles saamgeleef, want geen dokter kon vir haar sê wat fout is nie.“Dit het eintlik begin met ’n rugpyn, waarvoor ek ’n Voltaren-inspuiting gekry het. Kort daarna het die vreemde, lam gevoel in my been begin. As ek gesit het, het my regterbeen sommer soos ’n donkie styfgeskop en kon ek nie verder