WERK OPLAAS – NOU HET EK WEER NUT
HAAR grootste vrees was nie vir die dood nie – nie eens toe sy deur ’n kankerdiagnose in die gesig gestaar is of breinchirurgie moes ondergaan om ’n gewas te laat verwyder nie.
Vir Marion Holm was dit eerder ’n nog groter nagmerrie om tydens die inperking nie te kon werk nie.
“My werk identifiseer my nie; dit bepaal nie wie ek is nie – dit is net dat ek nuttig wil voel, en ek het besef ek kan net nuttig voel as ek werk,” sê die aktrise, wat veral bekend is vir haar solovertonings waarmee sy gehore laat skaterlag.
En nou, ná ’n jaar waarin die coronaviruskrisis kunstefeeste en verhoogoptredes van die kalender gevee het, kan sy eindelik weer nuttig voel.
Marion (56) is terug op die wat op Woensdag- en Sondagaande uitgesaai word.
