‘NOU GAAN DIE OUENS TE VER’
OP ’n gewone Dinsdagoggend op Senekal gebeur daar nie veel nie. Maar op 6 Oktober verskyn die twee vermeende moordenaars van mnr. Brendin Horner, ’n 22-jarige plaasbestuurder van Paul Roux wie se erg verminkte lyk aan ’n paal vasgemaak is, vir die eerste keer in die hof.
Op die N5, oos en wes van dié Vrystaatse dorp, is stringe bakkies en trekkers en trokke met boere, plaaswerkers en ander ontstelde Suid-Afrikaners op pad om die hofverrigtinge by te woon. En veral om protes aan te teken teen plaasgeweld.
Honderde mense begin teen die sandsteenrantjie langs die
