Die plek van die walvisse
Bo my kop vlieg ’n klein rooivalkie, kloutjies oopgesper, oë vasgenael op iets tussen die grassies. Voor my in die see speel ’n noorkapperwalviskalf. Ek weet nie waar om eerste te kyk nie.
Dís die wonderlike dilemma waarmee jy gekonfronteer word by die Lekkerwater Beach Lodge in die De Hoop-natuurreservaat naby Kaap Agulhas.
De Hoop beslaan 34 000 ha, waaronder ook ’n mariene bewaringsgebied 5 km die see in.
Dis die hartjie van die broeiplek vir noorkapperwalvisse hier aan die suidpunt van Afrika. Vanaf ons kamer sien ons hulle speel met hul vinne wat
