GEE JOU BEDLEWE WOEMA
‘Die afwagting is soveel opwindender wanneer seks verbode is’
DIE lewe is ’n dolle gejaag. Jou werk hou jou besig en die gesin eis sy tol, die rekenings hoop op en die huis bly deurmekaar… Die lys dinge wat jou aandag vereis, kry net nooit end nie.
Daarom is dit geen wonder dat jou sekslewe dikwels heel laaste aan die beurt kom nie – dis dalk vir jou lekker, maar in die groter prentjie is dit nie ’n groot prioriteit nie.
En as jy moet eerlik wees, is jy dikwels so moeg dat ’n goeie nagrus al is waarvoor jy tussen die lakens kans sien.
Ons is dikwels so besig om op allerlei ander dinge te fokus dat ons ons seksuele welstand afskeep, maar ’n gesonde sekslewe is belangrik vir jou algemene welstand en selfs vir jou gesondheid.
Eintlik verg dit soms net ’n bietjie moeite om jou liefdeslewe weer op koers te kry; daarom het Britse kenners onlangs ’n stel wenke en truuks saamgestel om mense weer in rat
