VOEL jy deesdae jy sal veel eerder met ’n leesboek op die rusbank gaan lê as om met jou lewensmaat in die bed te klim?
Dan is jy nie alleen nie. Veral in die middeljare beleef baie mense ’n lae libido. Jou eens magtige seksdrang voel ál meer afgewater.
’n Lae seksdrang is iets wat nogal algemeen onder albei geslagte voorkom – en onder vroue is dit die algemeenste seksprobleem, sê dr. Rosie King, ’n Australiese seksterapeut en skrywer van Where Did My Libido Go?.
“Vir baie vroue in langtermynverhoudings is wellus net ’n vae herinnering uit hul jong dae,” skryf Rosie in haar boek. “Seks het vir hulle net nog ’n plig geraak wat hulle in hul alledaagse lewe moet nakom.”
Daar is baie redes vir ’n lae libido; sommige fisiek, soos uitputting, swak gesondheid