Help só ná selfmoordpoging
Daar is sekere gesprekke wat ’n mens hoop jy nooit hoef te hê nie. Waarskynlik boaan baie mense se lys, is om ’n naaste te ondersteun nadat hulle pro-beer selfmoord pleeg het.
Maar die kans is daar dat jy die gesprek iewers in jou leeftyd gaan hê. Die Wêreldgesondheidsorganisasie raam meer as 6 000 Suid-Afrikaners het in 2016 selfmoord gepleeg en ’n studie deur die Suid-Afrikaanse Mediese Navorsingsraad wys een uit elke 20 tienersterftes is weens selfmoord.
En dis net dié wat dit nie oorleef nie. Tussen Januarie en September verlede jaar het die Suid-Afrikaanse Depressie-en-Angsgroep (Sadag) oor die 46 000 oproepe op hul selfmoord-krisishulplyn gekry van mense wat sukkel met depressie, angs en selfmoordgedagtes.
Natasha Vermaak* (30), van Johannesburg, het as 17-jarige probeer selfmoord pleeg en sê sy wens sy het destyds geweet daar was krisislyne om te bel. “Dinge
