Die werklikheid van moord
ns het drie jaar permanent op die dorp gewoon toe Platteland in die Somer van 2013 gebore is. Maar dit was al agt jaar tevore, in die winter van 2005, dat ons paaie met Koringberg s’n gekruis het. Kom ons noem dit “liefde met die eerste oogopslag”, al moes ons al ’n keer of wat hoor dié ou miserabele plekkie kan gerus maar soos mis voor die son verdwyn. (In die jare tagtig het die gehuggie inderdaad byna leeggeloop – dit het só beroerd gegaan dat die dorp die voorblad van Die Burger gehaal het: Die NG kerk het, in ’n poging om die plek te red, erwe vir R10 beskikbaar gestel. Ja, jy het reg gelees: ’n volle
