Veelsydige MARLEE

‘BAIE AKTRISES WAT OOK MA’S IS, DROOM VAN ’N WERK WAARIN JY ELKE DAG IETS NUUTS KAN LEER’

Dit was so amper of ons het Marleé van der Merwe, wat die rol van Kristien in Getroud met Rugby vertolk, nooit op die kassie gesien nie. “My ouers wou niks weet van ’n loopbaan as aktrise nie,” vertel sy oor ’n koppie koffie. Maar sy kon haar nie ’n lewe weg van die teater voorstel nie, en het toe vermaaklikheidstegnologie aan die destydse Technikon Pretoria (deesdae TUT) gaan studeer.

“Maar toe ek die eerste keer met ’n balletproduksie agter die skerms moes werk, het ek geweet, het ek gedans en klavier gespeel, en ná skool het ek ’n diensjaar by Joyful Noise Ministries gaan doen. Daar het ek baie gehelp met musiekverwerkings, iets waarvan ek baie gehou het.”