IN HAAR ELEMENT

Daar het baie water in die see geloop sedert ons Therese Bam as die gefolterde kelnerin Katryn in Jan Scholtz se dramareeks Song vir Katryn leer ken het. Dit was die jaar 2003 en kykNET se amptelike eerste dramareeks. Katryn, ’n kelnerin met ’n donker verlede, het in hierdie dramareeks op die sorgelose rocker Jinx (Valiant Swart) verlief geraak. Katryn het sommer oornag die TV-liefling van die volk geword.

Therese glimlag toe sy terugdink aan die dag toe sy vir haar oudisie vir gegaan het. “Ek het as produksie-assistent op die werklikheidsreeks in Kaapstad gewerk en die dag verlof gehad. Ek het my CV voorheen by die vervaardigers Paul Venter en Jaco Loubser van Homebrew Films gelos. Die regisseur-vervaardiger Jan Scholtz was in Kaapstad om akteurs vir sy nuwe reeks te soek en toe hy vir Jaco en Paul vertel hy soek ’n blonde aktrise toe haal hulle my CV uit die laai, bel my en sê ek