Klik-klak deur RUSLAND
Toe begin ek en my man soek, weke lank, tot ons dit kry: een van die heel langste treinritte ter wêreld: 9 289 kilometer, deur sewe tydsones in dieselfde land. En so gebeur dit dat ons op ’n Saterdag in Julie op Moskou se Kazansky-stasie op perron 7 staan. Ons harte klop woes en bang daar neffens die reuse- Trans-Siberië-trein, gereed vir die ikoniese reis van Moskou tot Wladiwostok, die Russiese hawestad aan die anderkant van die aardbol, in die Verre Ooste.
Ons wag by die trapleertjie van ons treinwa, paspoort en bespreking in die hand. Luidsprekers saai treininligting uit – ons verstaan niks maar die opwinding om ons is tasbaar, soos dit by stasies gaan. Tussen haastige passasiers is polisie, inspekteurs, stasie-amptenare … en jou provodnitsa, netjies geklee in haar Rossiya-uniform met ’n streng uitdrukking. Sy hou wag by die ingang van jou wa. Sy is die een wat sal besluit of jou dokumentasie in orde is voordat jy kan opklim. Sy sorg vir die netheid van die wa en hou toesig oor die kospakkies en linne. Jy sal haar instruksies gehoorsaam tflt waar sy afklim by die eindpunt van haar skof, waar sy deur ’n volgende een afgelos word.
Die trein is hoog, die trappies is steil. In die gangetjie druk en skuur almal
You’re reading a preview, subscribe to read more.
Start your free 30 days