Zoë Brown
IN DIE AANBIEDERSTOEL
Die gewese Expresso-aanbieder se moedertaal is Engels, maar sy bied nou vir die eerste keer ’n televisieprogram in Afrikaans aan as medeaanbieder van VIA se nuwe reeks Trap! Dis my huis.
In dié kompetisiereeks deel 50 vreemdelinge ’n tweeslaapkamerhuis wat net toegerus is vir twee mense, als in die hoop om die pryspot van tot R1 miljoen los te slaan.
Dit was “ ’n lekker groot uitdaging” om die program in Afrikaans aan te bied, vertel Zoë (30), wat in Kaapstad woon, waar die reeks ook geskiet is.
